فهرس المحتوى
السلام عليكم و رحمة الله
اليوم 16 ديسمبر سنة 2021 كنت في اسطنبول و في ضيافة شركة إيوان العقارية التابعة للمركز الافريقي للأعمال.
رتبت لي مقابلة مع الأخ رائد شلال موضوعها عن كيفية شراء عقار في تركيا للأجانب و كيفية الحصول على الجنسية عبر العقار.
سالتو عن أهم الاشياء البتحتاج ليها قبل و اثناء و بعد ما تشتري عقار في تركيا فلو بهمك الموضوع دا فانت في المحل الصحيح تابع القراية لانو دا من اهم المحتويات المفصلة في موضوع التملك العقاري في تركيا.
شركات العقارات في تركيا و اسطنبول!
اسطنبول ممكن يكون فيها سبعمية الف شركة عقارية لكن شركة إيوان واحدة من أميز الشركات.
بتقدم خدمات عقارية مختلفة من اهمها الحصول على الجنسية التركية عبر التملك العقاري.
بيستقبلوك من المطار الى الفندق و بعدين تطلع جولات عقارية بعد توريهم الحاجة الفي نفسك شنو كاملة.
ليه شراء عقار في تركيا للاجانب مفيد جداَ و شنو المميزات؟
كل شخص ممكن يكون عنده سبب مختلف يختار بسببه تركيا للتملك العقاري
لكن انا هنا حكتب ليك اهم الاسباب و الميزات الممكن تخليك تشتري في تركيا
أولا، تركيا بلد ثقافته قريبة جدا للثقافة الأسلامية لانو كان فيها الدولة العثمانية و الاسلام و المساجد في كل زاوية موجودين و حتي سلوكيات الناس كمان
تاني حاجة برضو البلد علماني -للاسف طبعا- و دا ممكن بخلي كمية من الناس الاجانب -الخواجات يعني- انه يرتاحوا لانهم يستقروا فيها
ثالت شي البلد ما فيها تقلبات سياسية كتيرة يعني من ناحية سياسية في استقرار يخليك مطمئن شوية انو الحكومة ما حتعمل حاجة غريبة في يوم من الايام تاثير سلبا عليك
برضوا اقتصاديا تركيا مستقرة و حركة السوق فيها جيدة و بلد ممتازة للتجارة سوا الداخلية او حتى الاستيراد و التصدير. يعني ممكن عادي تجي تفتح شركة و تشتغل تصدير ملابس مثلا لبلاد تانية في العالم.
راااااابعا، الدراسة في كل مراحلها ممتازة جدا و جامعاتها متميزة و تكلفة الدراسة فيها ما غالية جدا
خامساَ، الرعاية الصحية ممتازة جدا و فيها مستشفيات خاصة و حكومية حسب امكانيات كل شخص و مستواها متميز جدا
سادساً، تركيا نفسها بلد سياحي و جميل و ممكن تزور فيها اماكن كتيرة فيها طبيعة خلابة أو اثار قديمة
صورة سلفي في تلفريك ايوب سلطان في اسطنبول تركيا 2023
ما هي طرق الحصول على الجنسية التركية؟
ممكن تحصل على الجنسية التركية بي الاصل و النسب و برضو عبر عمل تجارة و تشغيل عدد معين من العمال لفترة معينة
برضو عبر استثمار مبلغ مالي قد يصل الى 500 الف دولار في تركيا
ولكن البهمنا نحن هو شراء و امتلاك عقار بقيمة 250 الف دولار -القيمة بتتغير مع مرور الزمن و حاليا وصل حتى 400 الف دولار- سواء كان عقار واحد او مجموعة عقارات و سواء مع بعض او على فترات زمنية مختلفة
أنصح انا بشكل شخصي أنو تشتري عشان تستثمر بالذات في المشاريع قيد الإنشاء
و من شروط العقار دا بعد تتملكه انو لازم تحافظ عليه لفترة من الزمن. مطلوب منك تحتفظ بالعقار لمدة تلات سنين و بعدها ممكن تتصرف فيهو تبيعه او اي حاجة تانية.
العقار ممكن يكون لاي غرض، يعني ممكن يكون سكني شخصي و تشتري فيلا او شقة. و ممكن يكون تجاري مثلا محل تجاري او حتى قطعة أرض. يعني في مساحة كويسة تقدر تختار البيعجبك
ممكن نقسم العقارات لي نوعين حسب انواع المشاريع
في مشاريع مكتملة و جاهزة للتسليم يعني تشتري و تستلم مفتاح الشقة مباشرة و دي اكيد سعر الشقة فيها بكون اغلى لكن برضو تعتبر فرصة استثمارية و ان كان الربح اقل بس مخاطرها اقل كمان
و في مشاريع قيد الانشاء و دي بتدفع مقدم على العقار و بعدين الباقي بالاقساط و دي من ناحية استثمار ربحها احسن بكتير لكن الخطر فيها اكتر لانو ممكن لا قدر الله المشرويع يتعثر مثلا او اي شي يحصل لكن لمن تستلم مفتاح العقار ان شاء الله بتكون ربحت ربح خياااااااااالي و ادعي لينا معاك بس تاني!
بعد كدا انت و هدفك تحدد!
متوسط أسعار العقارات في إسطنبول تركيا
طبعا لمن نتكلم عن الاسعار حتكون العملة بالدولار لانو الليرة التركية بتتغير كتير و فيها معدل تضحم
برضو الملاحظ انو الاسعار مع مرور الزمن ماشة في زيادة و دا اتوقع شي طبيعي مع زيادة الطلب عليها و معرفة الناس بي الفرص دي
بشكل عام (سنة 2021) متوسط الاسعار في الاحياء الشعبية من 30 الف دولار و انت طالع دا لشقة صغيرة استديوا و ممكن توصل لحدي 70 الف دولار حسب المساحة و النظافة
الشقق الموجودة في مجمعات سكنية راقية اكيد بتكون اغلى و ممكن نقول من سعر 70 الف دولار لي شقة قيد الانشاء
لو جينا نتكلم عن نهاية الاسعار فالميزانية مفتوحة يعني ممكن تشتري فيلا مطلة على مضيق البوسفور بي 10 مليون دولار لو حابي و كلللللللله وارد
أسباب اختلاف اسعار الشقق في اسطنبول
الشقق في المجمعات السكنية اغلى سعر من الشقق الخارج المجمعات بشكل عام
و اطلالة الشقة مثلا لو كانت مطلة على البحر او مطلة على منظر جميل تكون اغلى من لو كانت مطلة على الشارع الخلفي
برضو الطابق بيعمل فرق يعني الطوابق العالية جدا مرات تكون اكتر سعرا و ايضا الطوابق الارضية و كل شي في الوسط بعد داك بكون ما مرغوب فسعره بكون اقل
ايضا المكان الجغرافي للمشروع و هل هو قريب من خطوط المواصلات العامة و الطرق الرئيسية. فمثلا منطقة اسنيورت في اسطنبول مافي جمبها مترو ولا متروبوس ولا ترام فيها بس طرق تكاسي و باصات عشان كدا ممكن تكون ارخض من منطقة ايوب سلطان مثلا لانو فيها مترو و هكذا
مهم تنتبه لطريقين رئيسيات في اسطنبول طريق E5 و طريق E80 لانو ديل بيربطوا اسطنبول على بعضها جدا و القرب منهم بسهل الحركة
مركز المدينة طبعا الحيوي و التجاري اسمه الفاتح و فيه مسجد الفاتح و كل ما كان العقار قريب من المنطقة دي بكون سعره اغلى
اما اسطنبول الاوربية فهي عادة اغلى شوية من اسطنبول الاسيوية لانها هي ست الاسم طبعا و هي الاصل و الغيرها الفرع. و لكن التشابه بينهم كبير جدا. صراحة انا حبيت اسطنبول الاسوية اكتر من ناحية جمال و نظافة و حداثة. لكن اغلب التجارة و الاماكن السياحية و غيرها في الاوربية.
كيف ممكن تساعدك شركة ايوان لشراء العقار و الحصول على الجنسية
طبعا اي شخص ممكن يشيل شنطة سفره و يمشي يركب اقرب طيارة و ينزل اسطنبول و يشوف العقارات لوحده و يشتري
لكن عموما ما بنصحك تعمل كدا و السبب…
أوع تتغش بتأثير دانينغ كروجر و انحيازه المعرفي و تفتكر انك عارف أكتر من الناس العندها سنوات كتيرة في المجال دا
و ادي الخبر لي خبازه زي ما بقول المثل
الحاجة التانية …
أنو انت اذا كنت غريب عن البلد غالبا فانت محتاج مساعدة، و ما من اي شخص معرفة لك و خلاص، لا، لازم يكون شخص خبير بي امور العقارات
طبعا في شركات بتشيل فائدة على سعر العقار لمن تشتغل معاهم و في شركات ما بتخت سعر على سعر الشقة الاصلي لكن اغلب الشركات الكبيرة زي شركة ايوان ما بتخت على العميل اي رسوم
حبيت اوضح نقطة انو شركة ايوان ما بتخت سعر فوق العقار اول عشان ازح الموضوع دا من راسك اول قبل ما اشكرها ليك
امكن تسال نفسك طيب لكن دا كلام غريب؟ بيستفيدوا كيف لو ما حيستفيدوا من العميل حقهم
الجواب انهم و حتى انا معاهم بنستفيد من شركة الإنشاءات اللهي بتكون متعاقدة معانا و بتدينا العقار بنفس السعر للزبون و تعمل لينا نسبة ربح بسيطة
طيب نرجع لموضوعنا…
شركة ايوان العقارية او اي شركة مشابهة ليها بتساعدك اولا في موضوع اللغة التركية لانو اغلب المشاريع دي قايمين بيها شركات تركية و انت لو ما بتعرف تركي حتاحتاج مترجم عشان تقدر تبحث عن العروض في السوق .. خت ليك 300 دولار كدا للمترجم على اقل تقدير
الشركة حتساعدك في اكمال الاجراءات القانونية و متابعة سند الملكية حتى تسلمك ليهو في يدك من شركة الانشاءات و بكون معاها تيم متخصص من المحامين البتابعوا الاجراءات دي .. خت ليك 1000 دولار كدا بالميت للمحامين عشان يتابعوا ليك العقود و ياكدوا ليك صحتها و غيره
شركة ايوان بمعرفها بالسوق حتكون عاملة دراسة جيدة جدا في السوق و تختار ليك حسب طلبك انسب عقار مع المبلغ المالي حقك و تمنع بقدر الامكان اي امكانية احتيال ممكن تحصل ليك لا قدر الله .. خت ليك 1000 دولار تاني اقل شي عشان تقدر تعمل بحث في السوق بدرجة جيدة
مهما كان هدفك انت مرتاح كل العليك تجهز قروشك و مستنداتك و السلام … كل المتابعة بعد داك من طرفهم بكون ان شاء الله لحدددي ما تستلم شهادة البحث “الطابو” و الجنسية التركية بتاعتك
أتخيل دا كله يعملوه ليك مجانا، تلقى شريك يسهل ليك الامور دي كلها و بدون تكاليف
طبعا ممكن تشتري من دون تجي اسطنبول و في الحالة دي ممكن يتم التواصل باتصالات لايف عشان تقدر تشوف الشقة الانت عاوز تشتريها و بعدها ممكن تعمل وكالة و ترسل حوالتك البنكية مباشرة و تشتري
الان اذا بقيت على موضوع التملك العقاري في تركيا و جاهز تبدا اول خطوة اتواصل معاي في وتساب عبر الرقم دا
00249112233440
دا رقم وتساب حق الشغل و ان شاء الله ارد عليك باسرع طريقة ممكنة و لو لقيت الرقم مشغول او مافي رد سريع بسبب ضغط الاتصالات حاول ترسل رسالة نصية بعد 15 دقيقة تاني
دوس الرابط دا مباشرة و ابدا رحلتك في امتلاك عقار الاحلام في تركيا
https://wa.me/message/5ZZVYPDLPLOSF1
و بالله تعالى التوفيق
